Troms herrebunad
Troms herrebunad blei laga av folkehøgskulelærar Johs. Eidnes i 1924, ut ifrå bakgrunnsmateriale han hadde samla inn rundt om i Troms og Nordland. Han fekk hjelp av skreddarmeister Cornelius Jakobsen til å sy bunaden.
Bunadsnemnda i Troms Ungdomsfylking og Hålogaland Ungdomslag starta i 1978 å lage saumforklaring og å rekonstruere bunaden, slik at det skulle vere mogleg å skaffe seg ein bunad som var så lik originalen som mogleg. Denne bunaden blir brukt både i Nordland og Troms. I Troms vert det brukt raud eller gul brokadevest.
Bunadsdistrikt: Troms.
Stikkord: Nord-Norge, Herrebunad, mannsbunad, bunad.
Detaljar
Jakke og bukse
Kort, open jakke med slag og med ståkrage i svart ullklede. Knebukse med lukeopning i svart klede.
Vest
Dobbeltspent vest med slag utan krage i gul eller raud brokade. Grågrønt bomullsstoff i rygg.
Skjorte
Kvit skjorte i lin eller bomull utan broderi.
Strømper
Til knebuksa skal det vere ullstrømper.
Sko
Svarte bunadsko.
Sølv
Det er utarbeidd eige sølv til bunaden. Sjå under.
Anna tilbehør
Hatt og skjerf er valfritt, mens hoseband og bukseselar ofte er nødvendige for å halde bukse og strømper oppe.
