Stakk og liv

Hvalerdrakta har samansydd liv og stakk i blått eller svart ullstoff med ullgarnsbroderi. Livet skrår ned til livlinja framme, og har eit brodert bringestykke i midten.

Skjorte

Skjorta er i kvitt bomullsstaut og har brodert bølgjemotiv i kvitt på halskragen og mansjettane.

Ytterplagg

Som ytterplagg har Hvalerdrakta ein kep i same stoff som bunaden elles. Den er fôra, og ein kan velje om ein vil ha ein del av broderimotivet langs kanten. Kepen har ståande linning med avtakbar hette, og blir lukka med skjulte hekter og ei sølvhekte framme.

Strømper

Det skal brukast strømper i same farge som bunaden elles.

Sko

Svarte bunadsko. Det er utarbeidd skospenner i sølv til bunaden.

Sølv

Sølvet til bunaden er komponert omkring båtmotivet, som også finst i kommunevåpenet for Hvaler. Hengene på smykka er forma som stiliserte sild. Sølvet inkluderer halsnål med båtform, brystnål som har seks båtar i ein ring, veskelåsen som har bølgjeform, og ein knapp forma som ei båtnagle, i tillegg til beltespenne, øyrepynt og mansjettknappar. Det er også utarbeidd skospenner i sølv.

Produsent av sølvet er Edelmetallstøperiet i Fredrikstad.Idé og design av Hvalerdraktsølvet: Ingun Hovden Christensen.

Anna bunadstilbehør

Understakk laga i bomull, i same farge som stakken.

Histore

Hvalerdrakta blei sett i produksjon i 1998. Den er i hovudsak utforma av tre kvinner på Hvaler: Ingunn Hovden Christensen, Rigmor Frantzen og Ragnhild Ramberg. Ønsket deira var å skape ei festdrakt som kunne gi felles identitet for dei som kjende tilknyting til Hvalerøyane. Dei utarbeidde fire utkast til drakta, og resultatet kom fram gjennom folkeavstemming på Hvaler.

1. juni 2023 overtok Heimen Husfliden i Oslo eineretten til og ansvaret for Hvalerdraktene og Hvalerdrakt­sølvet.